hamingjusund

Ég fæ víst ekki nóg af því að blogga þessa daganna, líklega vegna þess ég sakna margra hér í stórborginni. En hér sit ég með ambassador sódavatn í hönd við fína borðstofuborðið okkar. 'Ibúðin okkar er sem sagt farin að líta út eins og heimili með alle græjer, síðast í dag keyptum við sófaborð, ruslatunnu inn á bað og hrikalega raunsæa DDR vigt (appelsínugul). Við familían fórum út að borða á arabískan stað þar sem verðið var hlægilega lágt og cous cousinn góður. Ísold er komin á það mikið skrið að erfitt er að halda henni kjurri í langa stund, hún vill helst tína allt lauslegt af gólfum til átu og svo er hún mikið fyrir að abbast upp á aðra gesti í þeim tilgangi að sjarmera þá með augnhárunum.
Um daginn fórum við að hitta finnanna góðu á svakalega fríkuðu heimili sem þau leigja með innbúi( riddarabrynja hékk úr loftinu, í baðherberginu voru skeljar á veggjum og hægindastóll á palli fyrir ofan klósettið), eftir því sem leið á kvöldið sáum við að við eigum ótrúlega mikið sameiginlegt og fór það næstum út í öfgar.
En nú er næsta verkefni að skilja eitthvað í þessu tungumáli, keypti ég mér bækur á þýsku: Eine kleine Eisbar og Anne franks tagebuch
svo er ég með eina ljóðabók eftir Heine... en kannski ætti ég að bíða með hana.